Google ADS

Pamje nga situata e zjarreve në ishullin e Sazanit

12:42 | 6 Qershor 2022
A. B.

Zjarret e rëna prej dy ditësh në ishullin e Sazanit, vijojnë të jenë ende aktiv dhe po i afrohen ish-bazës ushtarake, e cila aktualisht shërben për monitorimin e hapësirës detare nëpërmjet radarëve.

Terreni i vështirë dhe pamundësia për të ndërhyrë nga ajri, ka bërë që flakët të vijojnë të djegin çfarë të gjejnë përpara të orientuara nga drejtimi i erës.

Shqetësuese për forcat e zjarrfikësve, ato të ushtrisë dhe policisë, që janë në terren, mbeten plasjet e municioneve të vjetra që janë hedhur ndër vite.

Ministria e Mbrojtjes njofton se prej orëve të para të ditës ka rinisur puna për shuarjen e zjarrit në ishullin e Sazanit. Sipas Ministrisë, situata vijon të jetë kritike, pasi flakët përhapen edhe për shkak të erës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm